മാഞ്ചെസ്റ്റർ സിറ്റി പ്രതിരോധ നിര താരം നിക്കോളാസ് ഒട്ടാമെൻഡി ക്ലബ്ബുമായി പുതിയ കരാർ ഒപ്പിട്ടു. പുതിയ കരാർ പ്രകാരം 2022 വരെ താരം മാഞ്ചസ്റ്റർ സിറ്റിയിൽ തുടരും. 2015 ഇൽ വലൻസിയയിൽ നിന്ന് സിറ്റിയിൽ എത്തിയ താരത്തിന്റെ കരാർ 2020 അവസാനിക്കാനിരിക്കെയാണ് പുതിയ കരാർ ഒപ്പിട്ടത്. ഈ സീസണിൽ മികച്ച പ്രകടനം നടത്തുന്ന താരത്തിന് പെപ്പ് ഗാർഡിയോളയുടെ പൂർണ്ണ പിന്തുണയും സഹായകരമായി.
.@Notamendi30 commits to City until 2022! #mancity https://t.co/ht6IcXozFF
— Manchester City (@ManCity) January 17, 2018
29 വയസുകാരനായ താരം ജോണ് സ്റ്റോൻസുമായി മികച്ച പങ്കാളിത്തം സ്ഥാപിച്ചതോടെ കഴിഞ്ഞ സീസണിൽ ഏറെ ഗോൾ വഴങ്ങിയ സിറ്റി ഇത്തവണ പ്രതിരോധത്തിൽ ശക്തമായ പ്രകടനമാണ് നടത്തിയത്. നിർണായക ഘട്ടങ്ങളിൽ ഗോൾ കണ്ടെത്താനുള്ള മിടുക്കും താരത്തെ സിറ്റി നിരയിൽ അഭിവാജ്യ ഘടകമാക്കി. അർജന്റീനൻ ദേശീയ ടീമിലും അംഗമായ താരം നേരത്തെ പോർട്ടോ ടീമുകൾക്ക് വേണ്ടിയും കളിച്ചിട്ടുണ്ട്.
കൂടുതൽ കായിക വാർത്തകൾക്ക് : www.facebook.com/FanportOfficial
