പ്രീമിയർ ലീഗിൽ ന്യൂ കാസിലിന്റെ കഷ്ടകാലം തുടരുന്നു. ഇത്തവണ സ്വന്തം ഗ്രൗണ്ടിൽ ബ്രൈട്ടനോട് തോൽക്കാനായിരുന്നു ന്യൂ കാസിലിന്റെ വിധി. ഏകപക്ഷീയമായ ഒരു ഗോളിനാണ് ബ്രൈറ്റൻ ന്യൂ കാസിലിനെ മറികടന്നത്. തോൽവിയോടെ പോയിന്റ് പട്ടികയിൽ ന്യൂ കാസിൽ അവസാന സ്ഥാനത്താണ്.
ആദ്യ പകുതിയിൽ കയാൽ ആണ് ബ്രൈറ്റന്റെ വിജയ ഗോൾ നേടിയത്. ബ്രൈറ്റന് അനുകൂലമായി ലഭിച്ച കോർണർ പ്രതിരോധിക്കുന്നതിൽ ന്യൂ കാസിൽ താരങ്ങൾ വീഴ്ച വരുത്തിയപ്പോൾ അവസരം മുതലാക്കി ബ്രൈറ്റൻ ഗോൾ നേടുകയായിരുന്നു. ന്യൂ കാസിലിന്റെ സ്വന്തം ഗ്രൗണ്ടിലെ തുടർച്ചയായ അഞ്ചാം പരാജയമായിരുന്നു ഇന്നത്തേത്. ന്യൂ കാസിൽ ഈ സീസണിൽ ഇതുവരെ ഒരു മത്സരം പോലും ജയിച്ചിട്ടില്ല.
തോൽവിയോടെ ന്യൂ കാസിൽ പരിശീലകൻ ബെനിറ്റസിന്റെ ഭാവി തുലാസിലായി.
