മാഞ്ചസ്റ്റർ യുണൈറ്റഡ് ഈ സീസൺ പ്രീമിയർ ലീഗിൽ ആദ്യ അഞ്ചു സ്ഥാനങ്ങളിൽ എത്തും എന്ന് താൻ കരുതുന്നില്ല എന്ന് മുൻ മാഞ്ചസ്റ്റർ യുണൈറ്റഡ് താരം ഗാരി നെവിൽ. “ഈ സീസണിൽ മാഞ്ചസ്റ്റർ യുണൈറ്റഡ് ആദ്യ അഞ്ച് സ്ഥാനങ്ങളിൽ എത്തുമെന്ന് ഞാൻ കരുതുന്നില്ല. അവർ അതിൽ നിന്ന് ഏറെ അകന്നിരിക്കുന്നുവെന്ന് ഞാൻ കരുതുന്നു. ഞാൻ ആശ്ചര്യപ്പെടുന്നു, കാരണം ഏഴോ എട്ടോ ആഴ്‌ച മുമ്പ്, അവർ മൂന്നാതെങ്കിലും ഫിനിഷ് ചെയ്യും എന്നായിരുന്നു താൻ കരുതിയിരുന്നത്.” അദ്ദേഹം പറഞ്ഞു
“മാഞ്ചസ്റ്റർ യുണൈറ്റഡ് ഗോൾകീപ്പർ ഇനിയും അവിടെ സ്ഥിരത കണ്ടെത്തി എന്ന് ഞാൻ കരുതുന്നില്ല, ഗോൾകീപ്പർ സ്ഥിരത പുലർത്തുന്നില്ലെങ്കിൽ, ഡിഫൻസിൽ അൽപ്പം അസ്ഥിരതയുണ്ടെങ്കിൽ, അത് ഒരു വലിയ പ്രശ്നം സൃഷ്ടിക്കും. യുണൈറ്റഡിൽ അത് ഉണ്ട്. അതിനാൽ യുണൈറ്റഡ് എന്റെ ടോപ് 5ൽ ഇല്ല.” നെവിൽ പറഞ്ഞു
ഇപ്പോൾ മാഞ്ചസ്റ്റർ യുണൈറ്റഡ് 8 മത്സരങ്ങളിൽ നിന്ന് ആകെ 12 പോയിന്റ് മാത്രം നേടി ഒമ്പതാം സ്ഥാനത്ത് നിൽക്കുകയാണ്.
