പ്രീമിയർ ലീഗിൽ ഇന്ന് നടന്ന വെസ്റ്റ് ഹാം ചെൽസി മത്സരത്തിൽ ഗോളൊന്നും പിറന്നില്ല എങ്കിലും ഒരു റെക്കോർഡ് പിറന്നു. ഒരു പ്രീമിയർ ലീഗ് മത്സരത്തിൽ ഏറ്റവും കൂടുതൽ പാസുകൾ ചെയ്യുന്ന താരം എന്ന റെക്കോർഡാണ് ഇന്ന് വെസ്റ്റ് ഹാമിന്റെ സ്റ്റേഡിയത്തിൽ പിറന്നത്. ചെൽസി മിഡ്ഫീൽഡർ ജോർജീഞ്ഞോ ആണ് പുതിയ റെക്കോർഡ് ഇട്ടത്. പാസിംഗ് റെക്കോർഡുകൾ സൂക്ഷിക്കാൻ തുടങ്ങിയ 2003/04 സീസൺ മുതൽ ഇങ്ങോട്ട് ആരും ചെയ്യാത്തത്ര പാസുകളാണ് ജോർജീഞ്ഞോ ഇന്ന് ചെയ്തത്.
180 പാസുകൾ ഇന്ന് ജോർജീഞ്ഞോ ചെയ്തു. ഒരോ 30 സെക്കൻഡിലും ഒരു പാസ് എന്ന ശരാശരിയിലാണ് ഈ റെക്കോർഡ് പിറന്നത്. കഴി‌ഞ്ഞ സീസണിൽ മാഞ്ചസ്റ്റർ സിറ്റി താരം ഗുണ്ടൊഗന്റെ റെക്കോർഡാണ് ജോർജീഞ്ഞോ ഇന്ന് മറികടന്നത്. 180 പാസുകളിൽ 158 പാസും ജോർജീഞ്ഞോ പൂർത്തിയാക്കി.
