ലിവർപൂൾ ഫോർവേഡ് മുഹമ്മദ് സലാ ഈ സീസൺ പ്രീമിയർ ലീഗ് നേടാനുള്ള തൻ്റെ ആഗ്രഹം പ്രകടിപ്പിച്ചു. ചാമ്പ്യൻസ് ലീഗിനും മുകളിൽ പ്രീമിയർ ലീഗ് കിരീടമാണ് താൻ ഇപ്പോൾ ആഗ്രഹിക്കുന്നത് എന്ന് സലാ പറഞ്ഞു. “ഈ വർഷം ചാമ്പ്യൻസ് ലീഗിനേക്കാൾ പ്രീമിയർ ലീഗ് കിരീടം നേടാൻ ഞാൻ ആഗ്രഹിക്കുന്നു,” സലാ പറഞ്ഞു. “എനിക്ക് ഈ കിരീടം വേണം, ഒരു ടീമെന്ന നിലയിൽ ഞങ്ങൾക്കും അത് വേണം.” അദ്ദേഹം പറഞ്ഞു.
ബാലൺ ഡി ഓറിനെ കുറിച്ചുള്ള അദ്ദേഹത്തിൻ്റെ ചിന്തകളെക്കുറിച്ചും സലാ സംസാരിച്ചു. “ലോകത്തിലെ ഏറ്റവും മികച്ചത് താൻ ആണോ? ആളുകൾക്ക് വ്യത്യസ്ത മുൻഗണനകളുണ്ട്. ഞാൻ എപ്പോഴും എന്നെ മികച്ചവനായി കാണുന്നു, ടീമിന് വേണ്ടി എൻ്റെ ഏറ്റവും മികച്ചത് നൽകാൻ ഞാൻ ആഗ്രഹിക്കുന്നു.” അദ്ദേഹം പറഞ്ഞു.
ലിവർപൂളിൻ്റെ പുതിയ മാനേജർ ആർനെ സ്ലോട്ടിനെയും സലാ പ്രശംസിച്ചു. “ഞാൻ ആർനെ സ്ലോട്ടിനൊപ്പം പ്രവർത്തിക്കുന്നതിന് മുമ്പ്, അദ്ദേഹം ഇത്രയും മികച്ചവനാണെന്ന് ഞാൻ പ്രതീക്ഷിച്ചിരുന്നില്ല” സലാ പറഞ്ഞു. “അദ്ദേഹം ചെറിയ വിശദാംശങ്ങളിൽ വരെ മികച്ചവനാണ്, തെറ്റ് പറ്റുമ്പോൾ അംഗീകരിക്കുന്ന അഹംഭാവമില്ലാത്ത പരിശീലകനാണ്” സലാ പറഞ്ഞു.
