ലിവർപൂളുമായി കരാർ പുതുക്കുന്നതിനുള്ള ചർച്ചകൾ ഒന്നും ആരംഭിച്ചിട്ടില്ലെന്ന് ലിവർപൂൾ താരം മൊ സല. പുതിയ കരാറിന്റെ ചർച്ചക്കായി ലിവർപൂളിൽ നിന്നും ആരും തന്നെ സമീപിച്ചിട്ടില്ലെന്നും സല വ്യക്തമാക്കി. നിലവിൽ 2023 വരെ ലിവർപൂളിൽ കരാർ ഉള്ള താരമാണ് മൊ സല. നേരത്തെ ലിവർപൂൾ വിടുകയാണെങ്കിൽ സ്പാനിഷ് ലീഗിൽ കളിക്കാനുള്ള താല്പര്യം സല പ്രകടിപ്പിച്ചിരുന്നു.
എന്നാൽ കഴിഞ്ഞ ജനുവരിയിൽ ലിവർപൂളിൽ തന്നെ തുടരാനാണ് തനിക്ക് താൽപര്യമെന്നും ഇനിയും പ്രീമിയർ ലീഗും ചാമ്പ്യൻസ് ലീഗും ലിവർപൂളിന്റെ കൂടെ നേടണമെന്നും സല പറഞ്ഞിരുന്നു. 2017ൽ ക്ലബ് റെക്കോർഡ് തുക നൽകിയാണ് ലിവർപൂൾ സലയെ റോമയിൽ നിന്ന് സ്വന്തമാക്കിയത്. ലിവർപൂളിന് വേണ്ടി 193 മത്സരങ്ങൾ കളിച്ച സല 120 ഗോളുകളും നേടിയിട്ടുണ്ട്.
