ആഴ്സണലിന്റെ യുവതാരം മാർട്ടിനെല്ലിയുടെ പരിക്ക് സാരമുള്ളത് തന്നെയാണ് എന്ന് ക്ലബ് അറിയിച്ചു. മുട്ടിന് ഏറ്റ പരിക്ക് കാരണം ഫുട്ബോൾ പുനരാരംഭിച്ച മുതൽ പുറത്തിരിക്കുകയാണ് മാർട്ടിനെല്ലി. കൂടുതൽ പരിശോധനങ്ങൾ നടത്തിയതോടെ താരം ദീർഘകാലം പുറത്തിരിക്കും എന്നാണ് ക്ലബ് അറിയിച്ചത്. ഈ വർഷം അവസാനം വരെ മാർട്ടിനെല്ലി കളിക്കില്ല എന്നാണ് ക്ലബ് അറിയിച്ചത്.
പരിശീലനത്തിനിടയിൽ ആയിരുന്നു മാർട്ടിനെല്ലിക്ക് പരിക്കേറ്റത്. അടുത്തിടെ ആഴ്സണലിൽ ദീർഘകാല കരാർ ഒപ്പുവെച്ച താരമാണ് മാർട്ടിനെല്ലി. ഈ സീസണിൽ അവസരം കിട്ടിയപ്പോൾ എല്ലാം ഗംഭീര പ്രകടനം നടത്താനും മാർട്ടിനെല്ലിക്ക് ആയിരുന്നു. ഈ സീസണിൽ 26 മത്സരങ്ങൾ ആഴ്സണലിനായി കളിച്ച താരം 10 ഗോളുകൾ നേടിയിരുന്നു.
