മാഞ്ചസ്റ്റർ യുണൈറ്റഡിന് ഈ സീസൺ അവസാനം വരെ ലോണിൽ കളിക്കേണ്ടിയിരുന്ന ഗോൾ കീപ്പർ മാർട്ടിൻ ദുബ്രാവ്കയെ ന്യൂകാസിൽ തിരിച്ചുവിളിച്ചു. താരം ഇനി ന്യൂകാസിൽ തന്നെ കളിക്കും. 33 കാരനായ ദുബ്രാവ്ക സമ്മർ ട്രാൻസ്ഫർ വിൻഡോയിൽ അവസാന ദിനത്തിൽ ആയിരുന്നു ലോണിൽ യുണൈറ്റഡിൽ എത്തിയത്. ആകെ രണ്ട് മത്സരങ്ങൾ മാത്രമെ അദ്ദേഹം യുണൈറ്റഡിനായി കളിച്ചുള്ളൂ.
ആസ്റ്റൺ വില്ലയ്‌ക്കെതിരെയും ബേൺലിയ്‌ക്കെതിരെയും ആയിരുന്നു ആ മത്സരങ്ങൾ. രണ്ടു മത്സരങ്ങളും യുണൈറ്റഡ് വിജയിച്ചിരുന്നു. താരം ക്ലബ് വിടുന്നത് കൊണ്ട് തന്നെ അവസാന മത്സരങ്ങളിൽ മാച്ച് സ്ക്വാഡിൽ എത്തിയിരുന്നില്ല. ഇനി ഡി ഹിയയും ഹീറ്റണും ആകും ഈ സീസണിൽ യുണൈറ്റഡിന്റെ ഗോൾ കീപ്പർമാർ.
