ശനിയാഴ്ച ക്രിസ്റ്റൽ പാലസിനെതിരായ പ്രീമിയർ ലീഗ് പോരാട്ടത്തിന് മുന്നോടിയായി മാഞ്ചസ്റ്റർ യുണൈറ്റഡിൻ്റെ മേസൺ മൗണ്ടും റാസ്മസ് ഹൊയ്ലുണ്ടും കാരിംഗ്ടണിലെ പ്രധാന ടീമിനൊപ്പം പരിശീലനത്തിലേക്ക് മടങ്ങിയെത്തി. പേശി പരിക്ക് കാരണം കഴിഞ്ഞ മൂന്ന് മത്സരങ്ങളിൽ നിന്ന് വിട്ടുനിന്ന മൗണ്ട്, ഈ ആഴ്ച ആദ്യം ഫസ്റ്റ്-ടീം പരിശീലനം പുനരാരംഭിച്ചു. പ്രതീക്ഷിച്ചതിലും വേഗത്തിൽ ആണ് താരത്തിന്റെ മടങ്ങിവരവ്.
പ്രീ-സീസണിൽ ഏറ്റ ഹാംസ്ട്രിംഗ് ഇഞ്ച്വറിയിൽ നിന്ന് കരകയറുന്ന ഹൊയ്ലുണ്ട് ഇതുവരെ ഈ സീസണിൽ യുണൈറ്റഡിനായി കളിച്ചിട്ടില്ല. കഴിഞ്ഞ സീസണിൽ 16 ഗോളുകൾ നേടിയ താരത്തിൽ നിന്ന് അതിനേക്കാൾ മികച്ച പ്രകടനമാണ് യുണൈറ്റഡ് ഇത്തവണ പ്രതീക്ഷിക്കുന്നത്.
