പുതിയ പരിശീലകനായി റൂബൻ അമോറിമിനെ നിയമിക്കാൻ സ്പോർട്ടിംഗ് ലിസ്ബണുമായി മാഞ്ചസ്റ്റർ യുണൈറ്റഡ് ധാരണയിലെത്തി. 39 കാരനായ അമോറിം, മാഞ്ചസ്റ്റർ സിറ്റിക്കെതിരായ നിർണായക മത്സരം ഉൾപ്പെടെ, അടുത്ത മൂന്ന് മത്സരങ്ങളിൽ സ്‌പോർട്ടിംഗിൽ തന്നെ തുടരും. നവംബർ 24-ന് ഇപ്‌സ്‌വിച്ച് ടൗണിനെതിരായ മത്സരത്തിന് മുമ്പ് അദ്ദേഹം ഔദ്യോഗികമായി യുണൈറ്റഡിൽ ചേരും.
ഈ മത്സരം വരെയുള്ള മത്സരങ്ങളിൽ നിസ്റ്റൽ റൂയ് തന്നെയാകും മാഞ്ചസ്റ്റർ യുണൈറ്റഡിന്റെ പരിശീലകൻ. ഇന്നലെ ലീഗ് കപ്പിൽ ലെസ്റ്റർ സിറ്റിക്ക് എതിരായ മത്സരത്തിൽ നിസ്റ്റൽ റൂയ് ആയിരുന്നു ടീമിനെ നയിച്ചത്. ഈ മത്സരം 5-2ന് മാഞ്ചസ്റ്റർ യുണൈറ്റഡ് വിജയിച്ചിരുന്നു.
അമോറിമിൻ്റെ കരാറിൽ 10 മില്യൺ യൂറോ റിലീസ് ക്ലോസും 30 ദിവസത്തെ നോട്ടീസ് പിരീഡും ഉൾപ്പെടുന്നു, എന്നാൽ യുണൈറ്റഡ് നേരത്തെ റിലീസ് ചെയ്യുന്നതിന് 1 മില്യൺ യൂറോ അധികമായി നൽകാമെന്ന് സമ്മതിച്ചു.
