ഇംഗ്ലീഷ് ഫുട്ബോളിലെ ഏറെ ശ്രദ്ധേയമായ ഡർബിയായ മേഴ്സിസൈഡ് ഡർബി ഊതി പെരുപ്പിച്ച ഒന്നാണെന്ന് മുൻ എവർട്ടൻ, യുണൈറ്റഡ് താരം ഫിൽ നെവിൽ. എവർട്ടനും ലിവർപൂളും തമ്മിലുള്ള പോരാട്ടമാണ് മേഴ്സിസൈഡ് ഡർബി.
2005 ൽ എവർട്ടനിൽ എത്തിയത് മുതൽ ക്യാപ്റ്റനായിരുന്നു ഫിൽ തന്നെ ഡർബിയെ ഊതിപെരുപ്പിച്ചത് എന്ന് വിശേഷിപ്പിച്ചത് ഇംഗ്ലണ്ടിൽ ഏറെ വാർത്താ പ്രാധാന്യം നേടിയിട്ടുണ്ട്. താൻ മേഴ്സിസൈഡ് ഡർബി ഒരിക്കൽ പോലും ആസ്വദിച്ചിരുന്നില്ല എന്നും നെവിൽ വ്യക്തമാക്കി. മാഞ്ചസ്റ്റർ യുണൈറ്റഡ് ഇതിഹാസം ഗാരി നെവിലിന്റെ അനിയനാണ് ഇപ്പോൾ ഇംഗ്ലണ്ട് വനിതാ ടീം പരിശീലകൻ കൂടിയായ ഫിൽ.
