പ്രീമിയർ ലീഗ് പോരാട്ടത്തിൽ ലിവർപൂൾ വോൾവ്‌സിനെതിരെ 2-1ൻ്റെ വിജയം ഉറപ്പിച്ചു. ഒരു കോർണറിൽ നിന്ന് ഡിയോഗോ ജോട്ടയുടെ അസിസ്റ്റിൽ നിന്ന് ഇബ്രാഹിമ കൊണാറ്റെയുടെ ഹെഡറിലൂടെ ആദ്യ പകുതിക്ക് മുമ്പ് ലിവർപൂൾ ലീഡ് നേടി.
56-ാം മിനിറ്റിൽ റയാൻ എയ്റ്റ്-നൂറി പ്രതിരോധത്തിലെ പിഴവ് മുതലാക്കി സമനില പിടിച്ചു. എന്നിരുന്നാലും, വെറും അഞ്ച് മിനിറ്റിനുള്ളിൽ, ഒരു പെനാൾട്ടിയിലൂടെ ലിവർപൂൾ ലീഡ് തിരിച്ചു പിടിച്ചു. മുഹമ്മദ് സലാ ആണ് പെനാൾട്ടി ലക്ഷ്യത്തിൽ എത്തിച്ചത്.
ഈ വിജയത്തോടെ, ആറ് മത്സരങ്ങളിൽ നിന്ന് അഞ്ച് ജയവും ഒരു തോൽവിയുമായി 15 പോയിൻ്റുമായി ലിവർപൂൾ പട്ടികയിൽ ഒന്നാമതെത്തി.
