ഡാനി വെൽബേക് രക്ഷക്ക്, ലെസ്റ്ററിനെതിരെ സമനിലയുമായി ബ്രൈറ്റൺ

20220123 203859

ഇംഗ്ലീഷ് പ്രീമിയർ ലീഗിൽ മിഡ്ടേബിൾ പോരാട്ടത്തിൽ ലെസ്റ്റർ സിറ്റി – ബ്രൈറ്റൺ പോരാട്ടം സമനിലയിൽ. ലെസ്റ്ററിന്റെ സ്വന്തം മൈതാനത്ത് നടന്ന മത്സരത്തിൽ ഇരു ടീമുകളും ഓരോ ഗോൾ വീതം നേടുകയായിരുന്നു.

ഗോൾ രഹിതമായ ആദ്യപകുതിക്ക് ശേഷമാണ് രണ്ടു ഗോളുകളും പിറന്നത്. പന്ത് കൈവശം വെച്ചു കളിച്ച ബ്രൈറ്റൺ പക്ഷെ അവസരങ്ങൾ ഉണ്ടാകിയെങ്കിലും ഗോളിലേക്ക് എത്തിക്കാനാവാതെ കുഴങ്ങി. രണ്ടാം പകുതിയുടെ തുടക്കത്തിൽ തന്നെ ലെസ്റ്റർ ഗോൾ നേടി മുന്നിൽ എത്തി. ഡാകയിലൂടെയാണ് ലെസ്റ്റർ 46ആം മിനിറ്റിൽ മുന്നിൽ എത്തിയത്.

മത്സരം ലെസ്റ്റർ സിറ്റി സ്വന്തമാക്കും എന്ന നിലയിലാണ് ഡാനി വെൽബേക് ബ്രൈറ്റണിന്റെ രക്ഷക്കെത്തിയത്. അവസാന നിമിഷങ്ങളിൽ ഗോൾ നേടി ടീമിനെ രക്ഷിക്കുന്ന വെൽബേക് വീണ്ടും ബ്രൈറ്റണെ ഓപ്പമെത്തിച്ചു. 82ആം മിനിറ്റിൽ ആയിരുന്നു വെൽബെക്കിന്റെ ഗോൾ. ലഭിച്ച അവസരങ്ങൾ മുതലാക്കാൻ കഴിയാഞ്ഞതാണ് ഇരു ടീമുകൾക്കും വിനയായത്.

30 പോയിന്റുമായി ബ്രൈറ്റൺ ഒൻപതാം സ്ഥാനത്തും 26 പോയിന്റുമായി ലെസ്റ്റർ പത്താം സ്ഥാനത്തുമാണ്. ലെസ്റ്റർ 2 മത്സരങ്ങൾ കുറവാണ് കളിച്ചിട്ടുള്ളത്.

Previous articleലിവർപൂൾ വിജയം തുടരുന്നു, മാഞ്ചസ്റ്റർ സിറ്റിയോട് അടുക്കുന്നു
Next articleപൊരുതി വീണ് ചഹാര്‍, ഇന്ത്യയ്ക്കെതിരെ 4 റൺസ് വിജയവുമായി പരമ്പര തൂത്തുവാരി ദക്ഷിണാഫ്രിക്ക