ലീഡ്സ് യുണൈറ്റഡ് തൽക്കാലം പുതിയ സ്ഥിര പരിശീലകനെ നിയമിക്കില്ല. ക്ലബിന്റെ വരാനിരിക്കുന്ന മത്സരങ്ങൾക്കും മൈക്കൽ സ്കുബാല തന്നെ ടീമിനെ നയിക്കുമെന്ന് ലീഡ്സ് യുണൈറ്റഡ് അറിയിച്ചു. പാക്കോ ഗല്ലാർഡോയും ക്രിസ് അർമാസും മൈക്കിളിനൊപ്പം തുടരും. മാർഷ് ക്ലബ് വിട്ടതിനു പിന്നാലെ നടന്ന രണ്ട് മത്സരങ്ങളിലും നല്ല പ്രകടനങ്ങൾ നടത്താൻ ലീഡ്സിനായിരുന്നു.
മാഞ്ചസ്റ്റർ യുണൈറ്റഡിനെതിരെ ഓൾഡ്ട്രാഫോർഡിൽ സമനില നേടിയ ലീഡ്സ് പിന്നാലെ എലൻ റോഡിലും മാഞ്ചസ്റ്ററിനെതിരെ നല്ല പ്രകടനം കാഴ്ചവെച്ചു. ഈ വാരാന്ത്യത്തിൽ ഗുഡിസൺ പാർക്കിൽ എവർട്ടനെതിരെ നടക്കുന്ന മത്സരം ആകും സ്കുബാലയുടെ അടുത്ത ദൗത്യം.
