ഇന്ന് ആൻഫീൽഡിൽ ബ്രൈറ്റണ് എതിരെ വഴങ്ങിയ സമനില ഒരു പരാജയത്തിന് തുല്യമാണ് എന്ന് ലിവർപൂൾ പരിശീലകൻ ക്ലോപ്പ്. 2 ഗോളിന് മുന്നിട്ടു നിന്ന ശേഷമായിരുന്നു ലിവർപൂൾ ഇന്ന് 2-2ന്റെ സമനില വഴങ്ങിയത്. “ഇത് ഒരു തോൽവി പോലെ തോന്നുന്നു,” ക്ലോപ്പ് മത്സര ശേഷം സമ്മതിച്ചു. “ഞങ്ങൾ 2-0 ന് മുന്നിലായിരുന്നതിനാലും വിജയിക്കാത്തതിനാലും മാത്രമല്ല എനിക്ക് സങ്കടം, ഞങ്ങൾ സ്കോർ ചെയ്തതിൽ വെച്ച് ഏറ്റവും മനോഹരമായ രണ്ട് ഗോളുകൾ നിഷേധിക്കപ്പെട്ടു എന്നതും വേദനിപ്പിക്കുന്നു” ക്ലോപ്പ് പറഞ്ഞു.
. “സാഡിയോയുടെ ഗോൾ നിഷേധിച്ചത് നിർഭാഗ്യവശാൽ ആണ്, നിങ്ങൾക്ക് പ്രസിംഗ് പഠിപ്പിക്കണമെങ്കിൽ ഈ ഗോൾ വേണമായിരുന്നു.” ക്ലോപ്പ് പറയുന്നു. “ആദ്യ പകുതിയിലെ മികച്ച നിമിഷങ്ങൾ ബ്രൈറ്റനെ എങ്ങനെ കീഴ്പ്പെടുത്താം എന്ന് കാണിച്ചു തന്നു. ആദ്യം മികച്ച ഫുട്ബോളും കളിച്ചു, പക്ഷേ 2 ഗോളുകൾ മാത്രം നേടാനെ ഞങ്ങൾക്ക് ആയുള്ളൂ” ക്ലോപ്പ് പറഞ്ഞു.
“രണ്ടാം പകുതിയിൽ ഞങ്ങൾ വേണ്ടത്ര മികവ് പുലർത്തിയില്ല. ടീമിന്റെ ശരീരഭാഷ എനിക്ക് ഇഷ്ടപ്പെട്ടില്ല” ക്ലോപ്പ് പറഞ്ഞു.
