മുൻ ഇംഗ്ലണ്ട് ഡിഫൻഡർ ഗ്ലെൻ ജോൺസൻ ഫുട്‌ബോളിൽ നിന്ന് വിരമിച്ചു. ജൂണിൽ സ്റ്റോക്കിൽ നിന്ന് റിലീസ് ചെയ്യപ്പെട്ട ശേഷം ക്ലബ്ബ് ഇല്ലാതിരുന്ന താരം ഔദ്യോഗികമായി ഇന്നാണ് വിരമിക്കൽ പ്രഖ്യാപിച്ചത്. 34 വയസുകാരനായ താരം 19 വർഷം നീണ്ട കരിയറിനാണ് ഇതോടെ അവസാനം കുറിച്ചത്.
വെസ്റ്റ് ഹാമിന്റെ യൂത്ത് ടീം വഴി വളർന്നു വന്ന താരം 2003 ലാണ് സീനിയർ ടീമിനായി അരങ്ങേറിയത്. റൈറ്റ് ബാക്ക് പൊസിഷനിൽ തിളങ്ങിയ താരം ഈ വർഷം തന്നെ ചെൽസിയിലേക്ക് മാറി. 41 മത്സരങ്ങൾ അവർക്കായി കളിച്ച താരം 2007 ൽ പോർട്ട്‌സ്മൗത്തിലേക്ക് മാറി. 2009 മുതൽ 2015 വരെ ലിവർപൂളിന് വേണ്ടി കളിച്ച താരം 2018 വരെ സ്റ്റോക്കിൽ കുപ്പായമാണ് അണിഞ്ഞത്.
2003 മുതൽ 2014 വരെ ഇംഗ്ലണ്ട് ദേശീയ ടീം അംഗമായിരുന്നു ജോൺസൻ.
