മുൻ ലിവർപൂൾ ക്യാപ്റ്റൻ സ്റ്റീവൻ ജെറാർഡിനോട് പരസ്യമായി മാപ്പു പറഞ്ഞ് മാഞ്ചസ്റ്റർ സിറ്റി മാനേജർ പെപ് ഗ്വാർഡിയോള. 2014ലെ ടൈറ്റിൽ റേസിൽ ജെറാർഡിന്റെ സ്ലിപ്പിനെക്കുറിച്ച് നടത്തിയ പരാമർശങ്ങളിൽ ഗ്വാർഡിയോള ഖേദം പ്രകടിപ്പിച്ചു. ആ സീസണിൽ ചെൽസിക്കെതിരായ ലിവർപൂളിന്റെ മത്സരത്തിനിടെയുണ്ടായ ജെറാഡിന്റെ സ്ലിപ്പ് പ്രീമിയർ ലീഗ് കിരീടം സിറ്റിയിലേക്ക് എത്താൻ സഹായിച്ചിരുന്നു.
ജെറാർഡിന്റെ സ്ലിപ്പിനും സിറ്റി ആണോ ഉത്തരവാദി എന്ന് ഗാർഡിയോള ചോദ്യം ഉന്നയിച്ചിരുന്നു. തന്റെ പരാമർശങ്ങൾ “വിഡ്ഢിത്തവും അനാവശ്യവുമാണെന്ന്” പെപ് ഇന്ന് പറഞ്ഞു. ജെറാർഡിനെക്കുറിച്ച് ഞാൻ പറഞ്ഞ എന്റെ അനാവശ്യമായ അഭിപ്രായങ്ങൾക്ക് ഞാൻ അവനോട് ക്ഷമ ചോദിക്കുന്നു. ഞാൻ അവനെയും അവന്റെ കരിയറിനെയും ബഹുമാനിക്കുന്നു എന്നും ജെറാർഡിനെ വ്യക്തിപരമായി ബന്ധപ്പെട്ട് ക്ഷമാപണം നടത്തിയിട്ടുണ്ട് എന്നും പെപ് പറഞ്ഞു.
