ഫോമിൽ അല്ലായെങ്കിലും ഡി ഹിയയെ തന്നെ ആയിരിക്കും പുതിയ സീസണിലും മാഞ്ചസ്റ്റർ യുണൈറ്റഡ് വല കാക്കുക. ഡി ഹിയ ക്ലബിൽ തുടരാൻ വേണ്ടി പുതിയ കരാർ വാഗ്ദാനം ചെയ്തിരിക്കുകയാണ് മാഞ്ചസ്റ്റർ യുണൈറ്റഡ്. പ്രീമിയർ ലീഗ് ഇതുവരെ കണ്ടതിൽ വെച്ച് ഏറ്റവും വലിയ കരാർ ആകും മാഞ്ചസ്റ്റർ യുണൈറ്റഡ് ഡി ഹിയക്ക് നൽകുന്നത്. പ്രീമിയർ ലീഗിൽ ഏറ്റവും കൂടുതൽ ശംബളം വാങ്ങുന്ന താരമായി ഈ കരാറോടെ ഡി ഹിയ മാറും.
നാലു വർഷം നീണ്ടു നിക്കുന്ന കരാർ ആണ് ഡി ഹിയക്ക് വാഗ്ദാനം ചെയ്തിരിക്കുന്നത്. ആഴ്ചയിൽ 350000 യൂറോ ആയിരിക്കും ഡിഹിയയുടെ വേതനം. ഇപ്പോൾ പ്രീമിയർ ലീഗിൽ ഏറ്റവും കൂടുതൽ ശമ്പളം വാങ്ങുന്ന ഓസിൽ, സാഞ്ചെസ് തുടങ്ങിയ താരങ്ങൾ പുതിയ കരാറോടെ ഡി ഹിയക്ക് പിറകിലാകും. അവസാന കുറെ വർഷങ്ങളായി മാഞ്ചസ്റ്റർ യുണൈറ്റഡിലെ ഏറ്റവും മികച്ച താരമാണ് ഡിഹിയ. എങ്കിലും അവസാന സീസണിൽ നിരാശ മാത്രമായിരുന്നു ഡിഹിയ യുണൈറ്റഡിൽ സമ്പാദിച്ചത്.
