വിജയമില്ലാത്ത നാലു ലീഗ് മത്സരങ്ങൾക്ക് ശേഷം മാഞ്ചസ്റ്റർ സിറ്റി ഒരു വിജയം നേടി. ഇന്ന് ലൂടൺ ടൗണിനെ നേരിട്ട മാഞ്ചസ്റ്റർ സിറ്റി ഒന്നിനെതിരെ രണ്ടു ഗോളുകൾക്ക് ആണ് വിജയിച്ചത്‌. ആദ്യ പകുതിയിൽ ഒരു ഗോളിന് പിറകിൽ പോയ ശേഷം തിരിച്ചടിച്ചാണ് മാഞ്ചസ്റ്റർ സിറ്റി വിജയിച്ചത്‌. 45ആം മിനുട്ടിൽ അഡെബയോയുടെ ഗോളിലൂടെ ആണ് ലൂടൺ ലീഡ് എടുത്തത്. ആദ്യ പകുതി അവർ 1-0ന്റെ ലീഡിൽ അവസാനിപ്പിച്ചു.
രണ്ടാം പകുതിയിൽ 3 മിനുട്ടിനിടയിൽ സിറ്റി നേടിയ രണ്ടു ഗോളുകൾ അവർക്ക് വിജയം നൽകി. 62ആം മിനുട്ടിൽ ബെർണാഡോ സിൽവയും 65ആം മിനുട്ടിൽ ഗ്രീലിഷും സിറ്റിക്ക് ആയി ഗോളുകൾ നേടി. ഈ വിജയത്തോടെ 16 മത്സരങ്ങളിൽ നിന്ന് 33 പോയിന്റുമായി സിറ്റി ലീഗിൽ നാലാമത് നിൽക്കുന്നു. ലൂടൺ 9 പോയിന്റുമായി 18ആം സ്ഥാനത്താണ് ഉള്ളത്.
