ആവേശകരമായ പ്രീമിയർ ലീഗ് പോരാട്ടത്തിൽ ചെൽസിയെ 2-1ന് ലിവർപൂൾ പരാജയപ്പെടുത്തി. ആൻഫീൽഡിൽ നടന്ന മത്സരത്തിൽ ചെൽസി പൊരുതി നോക്കി എങ്കിലും അവർക്ക് അവസരങ്ങൾ മുതലെടുക്കാൻ ആവാഞ്ഞത് വിനയായി.
ഗോൾകീപ്പർ റോബർട്ട് സാഞ്ചസിനെ 29-ാം മിനിറ്റിൽ പെനാൽറ്റിയിലൂടെ വീഴ്ത്തി മുഹമ്മദ് സലാ സ്കോറിങ്ങിനു തുടക്കമിട്ടു. രണ്ടാം പകുതിയുടെ തുടക്കത്തിൽ 48-ാം മിനിറ്റിൽ നിക്കോളാസ് ജാക്സണിലൂടെ ചെൽസി മറുപടി നൽകി. മോയിസെസ് കൈസെഡോ അസിസ്റ്റ് നൽകി
എന്നിരുന്നാലും, ഒരു മിനിറ്റിനുള്ളിൽ ലിവർപൂൾ അവരുടെ ലീഡ് തിരിച്ചുപിടിച്ചു, സലായുടെ ക്രോസിൽ നിന്ന് കർട്ടിസ് ജോൺസ് വലകുലുക്കി, ഈ ഗോൾ ആതിഥേയരുടെ വിജയം ഉറപ്പിച്ചു.
ഈ വിജയത്തോടെ പ്രീമിയർ ലീഗ് ടേബിളിൽ 21 പോയിൻ്റുമായി ലിവർപൂൾ ഒന്നാമതെത്തി. 8 മത്സരങ്ങളിൽ 14 പോയിൻ്റുമായി ചെൽസി ആറാം സ്ഥാനത്താണ്.
