ഇംഗ്ലീഷ് പ്രീമിയർ ലീഗിൽ ലിവർപൂൾ ഒന്നാം സ്ഥാനം തിരികെപിടിച്ചു. ഇന്ന് നടന്ന മത്സരത്തിൽ അവർ ബേർൺലിയെ ഒന്നിനെതിരെ മൂന്നു ഗോളുകൾക്ക് തോല്പ്പിച്ചു. ആൻഫീൽഡിൽ നടന്ന മത്സരത്തിൽ 31ആം മിനുട്ടിൽ ഡിഗോ ജോട്ടയിലൂടെ ലിവർപൂൾ ലീഡ് എടുത്തു. അർനോൾഡിന്റെ അസിസ്റ്റിൽ നിന്നായിരുന്നു ഈ ഗോൾ.
ആദ്യ പകുതിയുടെ അവസാനം ഒ ഷേയിലൂടെ ബേർൺലി സമനില പിടിച്ചു. രണ്ടാം പകുതിയിൽ 51ആം മിനുട്ടിൽ ലൂയിസ് ഡിയസിലൂടെ ലിവർപൂൾ വീണ്ടും ലീഡ് എടുത്തു. 79ആം മിനുട്ടിൽ നൂനിയസ് മൂന്നാം ഗോൾ നേടി ലിവർപൂളിന്റെ വിജയം ഉറപ്പിച്ചു.
ഈ വിജയത്തോടെ ലിവർപൂൾ മാഞ്ചസ്റ്റർ സിറ്റിയെ മറികടന്ന് ഒന്നാമത് എത്തി. 24 മത്സരങ്ങളിൽ 54 പോയിന്റുമായി ലിവർപൂൾ ഒന്നാമത് നിൽക്കുന്നു. 23 മത്സരങ്ങളിൽ 52 പോയിന്റുള്ള സിറ്റി രണ്ടാമതും നിൽക്കുന്നു.
