ആഴ്സണൽ സ്ട്രൈക്കർ ആയ ഒബാമയങ്ങിനെ ക്ലബിൽ നിലനിർത്താൻ കഴിയും എന്ന് പ്രതീക്ഷ പ്രകടിപ്പിച്ച് പരിശീലകൻ അർട്ടേറ്റ. ഇന്നലെ എഫ് എ കപ്പിൽ ഒബാമയങ്ങിന്റെ ഇരട്ട ഗോളുകളുടെ മികവിലായിരുന്നു ആഴ്സണൽ മാഞ്ചസ്റ്റർ സിറ്റിയെ പരാജയപ്പെടുത്തിയത്. അടുത്തടുത്ത മത്സരങ്ങളിൽ സിറ്റിയെയും ലിവർപൂളിനെയും പരാജയപ്പെടുത്താൻ ആഴ്സണലിനായി. ഇത് ആഴ്സണലിന്റെ പദ്ധതികളും നയങ്ങളും ശരിയായ രീതിയിലാണ് പോകുന്നത് എന്നതിന്റെ തെളിവാണ് എന്ന് അർട്ടേറ്റ പറഞ്ഞു.
ആഴ്സണലിന്റെ ഭാവിയിലേക്കുള്ള ഒരുക്കത്തിൽ ഒബാമയങ്ങിന് വിശ്വാസം നൽകാൻ ഈ പ്രകടനങ്ങൾ കൊണ്ടാകും എന്നും അർട്ടേറ്റ പറഞ്ഞു. അതുകൊണ്ട് തന്നെ ഒബാമയങ്ങ് ക്ലബിൽ പുതിയ കരാർ ഒപ്പുവെക്കുമെന്നാണ് തന്റെ പ്രതീക്ഷ എന്നും അർട്ടേറ്റ പറഞ്ഞു. ഒബാമയങ്ങുമായി ചർച്ചകൾ നടത്തുന്നുണ്ട് എന്നും ക്ലബും അദ്ദേഹം നല്ല രീതിയിലാണ് പ്രതികരിക്കുന്നത് എന്നും ഒബാമയങ്ങ് പറഞ്ഞു. 32കാരനായ ഒബാമയങ്ങിന് ഇനി ആഴ്സണലിൽ ഒരു വർഷം കൂടെയേ കരാർ ബാക്കിയുള്ളൂ. ബാഴ്സലോണ അടക്കമുള്ള ക്ലബുകൾ ഒബാമയങ്ങിനു വേണ്ടി രംഗത്തുണ്ട്. താരത്തിന്റെ പിതാവ് ഒബാമയങ്ങ് ക്ലബ് വിടുമെന്ന നേരത്തെ തന്നെ സൂചനകൾ നൽകിയിരുന്നു. ആഴ്സണലിനു വേണ്ടി ഇതുവരെ 66 ഗോളുകൾ നേടാൻ ഒബാമയങ്ങിനു കഴിഞ്ഞിട്ടുണ്ട്.
