മുൻ റയൽ മാഡ്രിഡ് താരം മെസ്യൂട്ട് ഓസിലിനെ മുൻ നിർത്തി പുതിയ പരിശീലകൻ മൈക്കിൾ ആർട്ടെറ്റ ടീമിനെ ഉണ്ടാക്കിയെടുക്കണമെന്ന് മുൻ ആഴ്സണൽ താരം പെനൻന്റ്. പുതിയ മാനേജർക്ക് കീഴിൽ ആഴ്സണൽ ഇലവനിൽ ഒരു പ്രധാന താരമായി മാറാൻ ഓസിലിന് കഴിയുമെന്നും മുൻ ആഴ്സണൽ താരം പറഞ്ഞു.
മുൻ പരിശീലകൻ ഉനൈ എമേറിക്ക് കീഴിൽ ആഴ്സണൽ ടീമിൽ അവസരങ്ങൾ ലഭിക്കാതിരുന്ന ഓസിൽ ടീം വിടുമെന്ന വാർത്തകൾ ഉണ്ടായിരുന്നു. മികച്ച താരമാണെങ്കിലും ഗ്രൗണ്ടിലെ മനോഭാവവും ഗ്രൗണ്ടിലെ അലസതയും താരത്തിനെതിരെ വിമർശനങ്ങൾ ഉയരാൻ കാരണമായിരുന്നു. മോശം പ്രകടനത്തെ തുടർന്ന് ഈ കഴിഞ്ഞ നവംബറിലാണ് ആഴ്സണൽ ഉനൈ എമേറിയെ പുറത്താക്കിയത്. എന്നാൽ പുതിയ പരിശീലകൻ വന്നതോടെ ഓസിലിന് ആഴ്സണൽ ടീമിൽ അവസരം ലഭിക്കുമെന്നാണ് പെനൻന്റ് കരുതുന്നത്.
