സീസണിൻ്റെ അവസാനത്തിൽ ആഴ്സണൽ വിടുമെന്നുള്ള അഭ്യൂഹങ്ങൾ തള്ളി കളഞ്ഞ് ആഴ്സണൽ പരിശീലകൻ ആർട്ടെറ്റ. നിലവിലെ സീസണിൻ്റെ അവസാനത്തിൽ തൻ്റെ സ്ഥാനം രാജിവെച്ച് ബാഴ്സലോണ പരിശീലകനായി അർട്ടേറ്റ എത്തും എന്ന് പല സ്പാനിഷ് മാധ്യമങ്ങളും റിപ്പോർട്ട് ചെയ്തിരുന്നു. ഇത്തരം വാർത്തകൾ തന്നെ അസ്വസ്ഥനാക്കുന്നു എന്ന് അർട്ടേറ്റ പറഞ്ഞു.
“അത് തീർത്തും വ്യാജ വാർത്തയാണ്. ഇത് എവിടെ നിന്നാണ് വരുന്നതെന്ന് എനിക്കറിയില്ല, ഇത് പൂർണ്ണമായും അസത്യമാണ്, അതിൽ ഞാൻ വളരെ അസ്വസ്ഥനാണ്,” അർറ്റെറ്റ പറഞ്ഞു.
“എനിക്കത് വിശ്വസിക്കാൻ കഴിഞ്ഞില്ല, ആ വാർത്തക്ക് ഉറവിടങ്ങളില്ല. ഞാൻ ശരിയായ സ്ഥലത്താണ്, എനിക്ക് ഈ ജോലി നല്ലതാണെന്ന് തോന്നുന്നു. ഈ ക്ലബ്ബിനൊപ്പം ഒരു യാത്രയിലാണ് ഞാൻ, ഇനിയും ഒരുപാട് ദൂരം പോകാനുണ്ട്. ബോർഡുമായി എനിക്ക് ശക്തമായ ബന്ധമുണ്ട്.” അർട്ടേറ്റ പറഞ്ഞു.