പ്രീമിയർ ലീഗ് ജയിക്കുന്നത് ബുണ്ടസ് ലീഗയെക്കാൾ ക്ലേശകരമെന്ന് ക്ളോപ്പ്

Staff Reporter

Download the Fanport app now!
Appstore Badge
Google Play Badge 1

പ്രീമിയർ ലീഗ് കിരീടം സ്വന്തമാക്കുന്നത് ബുണ്ടസ് ലീഗ ജയിക്കുന്നതിനേക്കാൾ ക്ലേശകരമെന്ന് ലിവർപൂൾ പരിശീലകൻ ക്ളോപ്പ്. ജർമനിയിൽ ബയേൺ മ്യൂണിക് ആധിപത്യം പുലർത്തുന്നത് പോലെ ഇംഗ്ലണ്ടിൽ ഒരു ടീമിനും തുടർച്ചയായി കിരീടം നേടി ആധിപത്യം നിലനിർത്താൻ കഴിയില്ലെന്നും ക്ളോപ്പ് പറഞ്ഞു. ജർമനിയിൽ ബയേൺ മ്യൂണിക് നേടിയ തുടർച്ചയായ 6 കിരീടം എന്ന നേട്ടം ഇംഗ്ലണ്ടിൽ മാഞ്ചസ്റ്റർ സിറ്റിക്ക് പോലും നേടാൻ കഴിയില്ലെന്നും ക്ളോപ്പ് പറഞ്ഞു.

ഡോർട്മുണ്ടിനെ 2011ലും 2012ലും തുടർച്ചയായി ബുണ്ടസ് ലീഗ കിരീടം നേടി കൊടുത്ത ക്ളോപ്പിനു ഇംഗ്ലണ്ടിൽ ലിവർപൂളിന്റെ കൂടെ കിരീടം നേടാൻ സാധിച്ചിരുന്നില്ല.  കഴിഞ്ഞ വർഷം സിറ്റിക്ക് 25 പോയിന്റ് പിറകിലായിട്ടാണ് ലിവർപൂൾ സീസൺ അവസാനിപ്പിച്ചത്.