എഫ് സി കപ്പ് പ്ലേ ഓഫിൽ ഒഡീഷ്യയ്ക്ക് വലിയ പരാജയം. ഓസ്ട്രേലിയൻ ക്ലബ്ബായ സെൻട്രൽ കോസ്റ്റൽ മറൈൻസിനെ നേരിട്ട ഒഡീഷ എഫ് സി എതിരെ ഇല്ലാത്ത നാല് ഗോളുകളുടെ പരാജയമാണ് ഏറ്റുവാങ്ങിയത്‌. രണ്ടാം പാദത്തിൽ അത്ഭുതങ്ങൾ ചെയ്യേണ്ടിവരും ഒഡീഷയ്ക്ക് ഓസ്ട്രേലിയൻ ക്ലബ്ബിനെ മറികടക്കാൻ. ഇന്ന് സെൻട്രൽ കോസ്റ്റിന് എതിരെ പിടിച്ചു നിൽക്കാൻ പോലും ഒഡീഷക്ക് ആയില്ല.
36ആം മിനിറ്റിലായിരുന്നു സെൻട്രൽ കോസ്റ്റ് മറൈനേഴ്സ് ലീഡ് എടുത്തത്. മൈക്കിൾ ഡോക ആണ് അവർക്ക് ലീഡ് നൽകിയത്. രണ്ടാം പകുതിയിൽ 52 മിനിറ്റൽ റോക്സിലൂടെ അവർ ലീഡ് ഇരട്ടിയാക്കി. പിന്നീട് ഡോക ഒരു പെനാൽറ്റിയിലൂടെ അവരുടെ മൂന്നാം ഗോൾ നേടി. അവസാനം ബാഴ്സലോസ് കൂടെ ഗോൾ നേടിയതോടെ ഒഡിഷയുടെ പരാജയം പൂർത്തിയായി.
മാർച്ച് 14ന് ഇന്ത്യയിൽ വച്ച് നടക്കുന്ന രണ്ടാം പദത്തിൽ വീണ്ടും ഇരു ടീമുകളും ഏറ്റുമുട്ടും.
