നെയ്മർ അവസാനം തിരികെ കളത്തിൽ എത്തുന്നു. ഇപ്പോൾ ഫിറ്റ്നസ് വീണ്ടെടുക്കുന്നതിന് അടുത്ത് എത്തിയ നെയ്മർ അടുത്ത മാസം വീണ്ടും കളത്തിൽ എത്തും എന്ന് റിപ്പോർട്ടുകൾ. സെപ്റ്റംബറിൽ അൽ ഇത്തിഹാദിന് എതിരായ അൽ ഹിലാലിന്റെ മത്സരത്തിൽ നെയ്മർ കളിക്കും എന്നാണ് ക്ലബുകായി അടുത്ത വൃത്തങ്ങൾ ഇപ്പോൾ റിപ്പോർട്ട് ചെയ്യുന്നത്. സെപ്റ്റംബർ 19നാണ് അൽ ഹിലാൽ അൽ ഇത്തിഹാദ് പോരാട്ടം.
അവസാന രണ്ടു മാസമായി നെയ്മർ പരിശീലനം നടത്തുന്നുണ്ട്. എന്നാൽ നെയ്മറിന് പ്രീസീസൺ മത്സരങ്ങളുടെ ഭാഗമാകാൻ ആയിരുന്നില്ല. സൗദി സൂപ്പർ കപ്പിലും നെയ്മർ കളിക്കുന്നില്ല. കഴിഞ്ഞ സീസണിൽ റെക്കോർഡ് തുകയ്ക്ക് അൽ ഹിലാലിൽ എത്തിയ നെയ്മർ അവസാന ഒരു വർഷമായി പരിക്കേറ്റ് പുറത്തിരിക്കുക ആണ്‌.
