ചാമ്പ്യൻസ് ലീഗ് പ്രീക്വാർട്ടറിൽ റയൽ മാഡ്രിഡിനെ ഞെട്ടിച്ച അയാക്സിന്റെ യുവ ഫോർവേഡ് ഡേവിഡ് നെരെസ് ബ്രസീലിയൻ ടീമിൽ. പരിക്കേറ്റ വിനീഷ്യസ് ജൂനിയറിന് പകരമാണ് നെരെസിന് ബ്രസീലിൽ അവസരം ലഭിച്ചത്. അയാക്സിനെതിരായ മത്സരത്തിൽ തന്നെ ആയിരുന്നു വിനീഷ്യസിന് പരിക്കേറ്റത്. വിനീഷ്യസ് മാസങ്ങളോളം പുറത്തിരിക്കേണ്ടു വരുമെന്ന് ക്ലബ് അറിയിച്ചിരുന്നു.
പ്രീക്വാർട്ടറിൽ റയലിനെതിരെ ഒരു ഗോൾ നെരെസ് നേടിയിരുന്നു. നെരെസ് ആദ്യമായാണ് ബ്രസീലിയൻ സീനിയർ ടീമിൽ എത്തുന്നത്. പനാമയ്ക്കും ചെക് റിപ്പബ്ലികിനും എതിരെയാണ് ബ്രസീൽ ഈ മാസം സൗഹൃദ മത്സരം കളിക്കുന്നത്. 22കാരനായ താരം മുമ്പ് ബ്രസീലിന്റെ യുവടീമുകളെ പ്രതിനിധീകരിച്ചിട്ടുണ്ട്. 2017 മുതൽ അയാക്സിന്റെ താരമാണ് നെരെസ്.
