പാകിസ്ഥാൻ പുരുഷ ടീമിന്റെ ബോളിംഗ് കോച്ചായി മുൻ ദക്ഷിണാഫ്രിക്കൻ ഇന്റർനാഷണൽ താരമായ മോണെ മോർക്കൽ നിയമിക്കപ്പെട്ടു. ബാറ്റിംഗ് കോച്ചായി മറ്റൊരു ദക്ഷിണാഫ്രിക്കൻ താരം ആൻഡ്രൂ പുട്ടിക്കും എത്തും. ടീമിന്റെ കൺസൾട്ടന്റായി മിക്കി ആർതറിനെ എത്തിക്കാനും പി സി ബി തീരുമാനിച്ചു.
മുൻ പാകിസ്ഥാൻ ഫീൽഡിംഗ് കോച്ച് ഗ്രാന്റ് ബ്രാഡ്ബേൺ മുഖ്യ പരിശീലകനായി തുടരും. ക്ലിഫ് ഡീക്കൺ (ഫിസിയോതെറാപ്പിസ്റ്റ്), ഡ്രിക്കസ് സൈമൻ (സ്‌ട്രെങ്ത് ആൻഡ് കണ്ടീഷനിംഗ്) എന്നിവരും അവരുടെ ജോലിയിൽ തുടരും. ലഖ്‌നൗ സൂപ്പർ ജയന്റ്‌സിൽ ബൗളിംഗ് കോച്ചായ മോർക്കൽ ഐ പി എൽ കഴിഞ്ഞ ശേഷമാകും പാകിസ്താനൊപ്പം ചേരുക. 42 കാരനായ പുട്ടിക്ക് അടുത്ത മാസം പാക് ടീമിനൊപ്പം ചേരും.
