ഐ ലീഗിൽ ഇന്ന് നടന്ന നിർണായക മത്സരത്തിൽ റിയൽ കാശ്മീരും മൊഹമ്മദൻസും സമനിലയിൽ പിരിഞ്ഞു. മൊഹമ്മദൻസ് സമനിലയിൽ പിരിഞ്ഞത് ശ്രീനിധിക്ക് ഉപകാരമാകും. എങ്കിലും ഇപ്പോഴും മൊഹമ്മദ്നസ് തന്നെയാണ് കിരീട സാധ്യതയിൽ മുന്നിൽ നിൽക്കുന്നത്.
റിയൽ കാശ്മീരിന്റെ ഹോം ഗ്രൗണ്ടിൽ നടന്ന മത്സരം ഗോൾ രഹിതമായാണ് അവസാനിച്ചത്. ഇരു ടീമുകളും ഗോളിനായി ശ്രമിച്ചു എങ്കിലും അത്ര എളുപ്പമായിരുന്നില്ല എന്ന് ഗോളിലേക്കുള്ള വഴി. 21 മത്സരങ്ങൾ കഴിഞ്ഞപ്പോൾ 48 പോയിന്റുമായി മൊഹമ്മദൻസ് ആണ് ലീഗിൽ ഇപ്പോഴും ഒന്നാമത് നിൽക്കുന്നത്.
21 മത്സരങ്ങളിൽ നിന്ന് 37 പോയിൻറ് ആണ് റിയൽ കാശ്മീരിന് ഉള്ളത്. അവരുടെ കിരീട പ്രതീക്ഷ കണക്കിലും ഇതോടെ അവസാനിച്ചു. 39 പോയിന്റിൽ നിൽക്കുന്ന ശ്രീനിധിക്ക് മാത്രമേ പോയിന്റിന്റെ കാര്യത്തിൽ ഇനി മൊഹമ്മദൻസിനെ മറികടക്കാൻ സാധിക്കുകയുള്ളൂ.
