അടുത്ത സീസണിൽ ചാമ്പ്യൻസ് ലീഗ് ഫുട്ബോൾ ഉറപ്പിക്കുന്നതിൽ പരാജയപ്പെട്ടാൽ ഈജിപ്ഷ്യൻ സ്‌ട്രൈക്കർ ലിവർപൂൾ ക്ലബ് വിടാൻ ആലോചിക്കുന്നതായുള്ള അഭ്യൂഹങ്ങൾ മോ സലായുടെ ഏജന്റ് റാമി അബ്ബാസ് തള്ളി. ഇന്നലെ ഒരു പ്രസ്താവനയിൽ, അബ്ബാസ് ഊഹാപോഹങ്ങളെ തള്ളിക്കളഞ്ഞു.
“ഇത് അസംബന്ധമാണ്, ഇത് ഒരിക്കലും ചർച്ചചെയ്യുകയോ ചിന്തിക്കുകയോ ചെയ്തിട്ടില്ല. ചാമ്പ്യൻസ് ലീഗിന് യോഗ്യത നേടാത്തത് ഞങ്ങളുടെ മനസ്സിൽ പോലും കടന്നുവന്നിട്ടില്ല.” അബ്ബാസ് പറഞ്ഞു
ഈ സീസണിൽ ലിവർപൂൾ സ്ഥിരതയില്ലാത്ത ഫോമിലാണെങ്കിലും ആദ്യ നാല് സ്ഥാനങ്ങൾക്കായുള്ള പോരാട്ടത്തിൽ അവർ ഇപ്പോഴുൻ ഉണ്ട്. ലിവർപൂൾ നിലവിൽ പ്രീമിയർ ലീഗ് ടേബിളിൽ 7-ാം സ്ഥാനത്താണ്, നാലാമതുള്ള സ്പർസിനെക്കാൾ 9 പോയിൻറ് താഴെ ആൺ . ഈ സീസണിൽ ഇനി ലിവർപൂളിന് 15 മത്സരങ്ങൾ ആണ് ലീഗുൽ ബാക്കി ഉള്ളത്.
