അമേരിക്കൻ ഫുട്ബോൾ ലീഗായ മേജർ ലീഗ് സോക്കറിന് ഇന്ന് തുടക്കമായി. ആദ്യ ദിവസത്തെ മത്സരത്തിൽ തന്നെ സ്വീഡിഷ് ഇതിഹാസം സ്ലാട്ടാൻ ഇബ്രാഹിമോവിച് താരമായി മാറി. ഇന്ന് ചികാഗോ ഫയറിനെ നേരിട്ട ഇബ്രാഹിബോവിചിന്റെ ടീമായ എൽ എ ഗാലക്സി ഒന്നിനെതിരെ രണ്ടു ഗോളുകളുടെ വിജയം സ്വന്തമാക്കി.
തുടക്കത്തിൽ സാപോങിന്റെ ഗോളിൽ പിറകിൽ പോയ ഗാലക്സി തിരിച്ചടിച്ചാണ് വിജയം സ്വന്തമാക്കിയത്. 68ആം മിനുട്ടിൽ സ്റ്റെരസിലൂടെ സമനില നേടിയ ഗാലക്സിക്ക് വിജയം നേടിക്കൊടുത്തത് ഇബ്രാഹിമോവിചായിരുന്നു. 80ആം മിനുട്ടിൽ ഒരു ഹെഡറിലൂടെ ആയിരുന്നു ഇബ്ര വിജയ ഗോൾ നേടിയത്. കഴിഞ്ഞ സീസണിൽ എൽ എ ഗാലക്സിയുടെ ടോപ് സ്കോറർ ആയിരുന്നു ഇബ്രാഹിമോവിച്.
