ഇബ്രാഹിമോവിചിന് ഇരട്ട ഗോൾ, വിജയം തുടർന്ന് ഗാലക്സി

- Advertisement -

എം എൽ എസിൽ തങ്ങളുടെ വിജയകുതിപ്പ് തുടരുകയാണ് എൽ എ ഗാലക്സി. ഇന്ന് നടന്ന മത്സരത്തിൽ ഫിലാഡെൽഫിയ യൂണിയനെ എതിരില്ലാത്ത രണ്ടു ഗോളുകൾക്കാണ് ഗാലക്സി പരാജയപ്പെടുത്തിയത്. രണ്ടു ഗോളും നേടിയത് സൂപ്പർ താരം ഇബ്രാഹിമോവിച് ആയിരുന്നു. കളിയുടെ 27ആം മിനുട്ടിൽ ഒരു ഹെഡറിലൂടെ ആയിരുന്നു ആദ്യ ഗോൾ. പിന്നീട് പെനാൾട്ടിയിലൂടെ സ്ലാട്ടാൻ തന്റെ രണ്ടാം ഗോളും നേടി.

സ്ലാട്ടാന് ഇതോടെ ലീഗിൽ നാലു ഗോളുകളായി. ആറു മത്സരങ്ങളിൽ അഞ്ചു വിജയിച്ച് ഗാലക്സി ഇപ്പോൾ ഗംഭീര ഫോമിലാണ്. 2019ൽ ഇതുവരെ ഹോം ഗ്രൗണ്ടിൽ പരാജയപ്പെട്ടിട്ടില്ല എന്ന റെക്കോർഡും ഗാലക്സി ഇന്ന് നിലനിർത്തി. 15 പോയന്റുള്ള ഗാലക്സി ഇപ്പോൾ മൂന്നാം സ്ഥാനത്താണ്‌.

Advertisement