മേജർ ലീഗ് സോക്കറിൽ തന്റെ അരങ്ങേറ്റം ഗംഭീരമാക്കി വെയ്ൻ റൂണി. ഇന്ന് ഡി സി യുണൈറ്റഡിനായി രണ്ടാം പകുതിയി ഇറങ്ങിയ റൂണി ആദ്യ മത്സരത്തിൽ തന്നെ ഒരസിസ്റ്റു ഒപ്പം ഡി സിക്ക് 3-1ന്റെ വിജയവും സമ്മാനിച്ചു. വാൻകോവർ വൈറ്റ്കാപ്സ് ആയിരുന്നു റൂബ്ബിയുടെ ടീമിന്റെ എതിരാളികൾ. ഡി സി യുണൈറ്റഡ് ഈ സീസണിൽ ആദ്യമായാണ് സ്വന്തം ഗ്രൗണ്ടിൽ മൂന്ന് ഗോളുകൾ അടിക്കുന്നത്.
സീസണിലെ ഡി സിയുടെ 15 മത്സരങ്ങളിൽ നിന്നായുള്ള മൂന്നാം വിജയം മാത്രമാണിത്. ഇപ്പോഴും ടേബിളിൽ അവസാന സ്ഥാനത്താണ് ഡി സി. ഇന്ന് റൂണി ഇറങ്ങില്ല എന്നാണ് കരുതിയത് എങ്കിലും ഗ്യാലറി മുഴുവൻ റൂണിക്കായി ആർപ്പു വിളിച്ചതോടെ രണ്ടാം പകുതിയിൽ റൂണിയെ കളത്തിൽ ഇറക്കുകയായിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
