മാഞ്ചസ്റ്റർ യുണൈറ്റഡ് മിഡ്ഫീൽഡർ പോൾ പോഗ്ബയെ അമേരിക്കയിലേക്ക് ക്ഷണിച്ച് ഇംഗ്ലീഷ് ഇതിഹാസം വെയ്ൻ റൂണി. മേജർ ലീഗ് സോക്കറിൽ പോൾ പോഗ്ബയെ പോലെ ഒരു താരത്തിന് വലിയ ഉയരങ്ങളിൽ എത്താൻ ആകും എന്ന് റൂണി പറഞ്ഞു. ക്ലബുകളും പോഗ്ബയെ പോലൊരു താരത്തെ കാത്തിരിക്കുകയാണ്. പോഗ്ബയ്ക്ക് അമേരിക്ക ഇഷ്ടമാണെന്ന് തനിക്ക് അറിയാം. പോഗ്ബയുടെ സഹോദരനും ഇപ്പോൾ അമേരിക്കയിൽ കളിക്കുന്നുണ്ട് എന്നും റൂണി പറഞ്ഞു.
പോഗ്ബ മാത്രമല്ല മാഞ്ചസ്റ്റർ യുണൈറ്റഡിൽ നിന്ന് റാഷ്ഫോർഡിനും അമേരിക്കൻ ഫുട്ബോളിൽ അത്ഭുതങ്ങൾ കാണിക്കാൻ ആകുമെന്ന് റൂണി പറഞ്ഞു. കഴിഞ്ഞ സീസണിലാണ് ഇംഗ്ലണ്ട് വിട്ട് വെയ്ൻ റൂണി അമേരിക്കൻ ക്ലബായ ഡി സി യുണൈറ്റഡിൽ ചേർന്നത്. അവിടെ മികച്ച ഫോമിൽ ഉള്ള റൂണി ക്ലബിന്റെ ഇപ്പോഴത്തെ പ്രധാന താരമാണ്. ഇംഗ്ലണ്ടിൽ നിന്ന് ഭാവിയിൽ കുറെ താരങ്ങൾ അമേരിക്കൻ ലീഗിൽ വരും എന്നാണ് റൂണി വിശ്വസിക്കുന്നത്.
