ഒരു മത്സരത്തിന്റെ ഇടവേളക്ക് ശേഷം മെസ്സിയും ഇന്റർ മയാമി വീണ്ടും വിജയിച്ചു തുടങ്ങി. ഇന്ന് എൽ എസിലെ എൽ എ എഫ് സിയെ നേരിട്ട ഒന്നിനെതിരെ മൂന്നു ഗോളുകൾക്ക് ആണ് വിജയിച്ചത്. ഇരട്ട അസിസ്റ്റുമായി മെസ്സി ഇന്ന് അരങ്ങു നിറഞ്ഞു കളിച്ചു. മത്സരത്തിന്റെ 13ആം മിനുട്ടിൽ ഫകുണ്ടോ ഫരിയാസിലൂടെയാണ് മയാമി ലീഡ് എടുത്തത്. ഈ ലീഡ് ആദ്യ പകുതി അവസാനിക്കും വരെ അങ്ങനെ തുടർന്നു.
രണ്ടാം പകുതിയിൽ 51ആം മിനുട്ടിൽ ബുസ്കറ്റ്സ്, മെസ്സി, ആൽബ എന്നിവർ ഒരുമിച്ച ഒരു നീക്കത്തിലൂടെ മയാമി ലീഡ് ഇരട്ടിയാക്കി. മെസ്സിയുടെ പാസിൽ നിന്ന് ആൽബ ഫിനിഷ് ചെയ്യുക ആയിരുന്നു. സ്കോർ 2-0.
Leo 🤝 Leo
Leo Messi to Leo Campana to make it 3-0!#LAFCvMIA | 0-3 pic.twitter.com/3qJUMiC6Te
— Inter Miami CF (@InterMiamiCF) September 4, 2023
83ആം മിനുട്ടിൽ കാമ്പാനയിലൂടെ മയാമി മൂന്നാം ഗോൾ നേടി. മധ്യവര മുതൽ ഒറ്റയ്ക്ക് പന്തുമായി കുതിച്ച മെസ്സി പെനാൾട്ടി ബോക്സിൽ വെച്ച് കാമ്പാനക്ക് പന്ത് കൈമാറുകയായിരുന്നു. ഇത് മയാമിയുടെ വിജയം ഉറപ്പിച്ചു. എൽ എ അവസാനം ഒരു ഗോൾ മടക്കി എങ്കിലും അത് ആശ്വാസ ഗോൾ മാത്രമായി. ഈ ജയത്തോടെ മയാമി 27 പോയിന്റുമായി 14ആം സ്ഥാനത്ത് നിൽക്കുകയാണ്‌
