റൂണിക്ക് പിന്നാലെ മറ്റൊരു മാഞ്ചസ്റ്റർ യുണൈറ്റഡ് ഇതിഹാസം കൂടെ പറയുകയാണ് മെസ്സിയാണ് ലോകത്തെ ഏറ്റവും മികച്ച താരമെന്ന്. ബെക്കാമാണ് ഇപ്പോൾ റൊണാൾഡോയാണോ മെസ്സിയാണോ മികച്ച താരം എന്ന ചോദ്യത്തിൽ മറുപടി പറഞ്ഞു. മെസ്സിയാണ് താൻ കണ്ട ഏറ്റവും മികച്ച താരം എന്നും റൊണാൾഡോയേക്കാൾ എന്തുകൊണ്ടും മുകളിലാണ് മെസ്സിയെന്നും ബെക്കാം പറഞ്ഞു.
താൻ മുമ്പ് മെസ്സിക്ക് എതിരെ കളിച്ചപ്പോൾ തന്നെ മെസ്സിയുടെ മികവ് തനിക്ക് വ്യക്തമായിരുന്നു. ഇപ്പോൾ ആ ടാലന്റ് വളർന്ന് പകരം വെക്കാനില്ലാത്ത താരമായി മെസ്സി മാറി എന്നും ബെക്കാം പറഞ്ഞു. എന്നാൽ റൊണാൾഡോയും മെസ്സിയും ഇപ്പോൾ കളിക്കുന്ന മറ്റുള്ള എല്ലാ താരങ്ങളെക്കാളും ഏറെ മുകളിൽ ആണ് എന്നും ബെക്കാം പറഞ്ഞു.
