ഫ്രഞ്ച് ക്ലബായ പി എസ് ജിയിൽ ഈ സീസണിൽ തുടരാൻ ആഗ്രഹിക്കുന്ന എംബപ്പെ പി എസ് ജി താരത്തിന് നൽകേണ്ടിയിരുന്ന വലിയ ബോണസ് തുക വേണ്ടെന്നു വെക്കും. പി എസ് ജിയിൽ പുതിയ കരാറിൽ ഒപ്പുവെച്ചില്ലെങ്കിൽ 110 മില്യൺ യൂറോ വില വരുന്ന ബോണസ് നിരസിക്കുമെന്ന് എംബപ്പെ ക്യാമ്പ് തീരുമാനിച്ചിരിക്കുകയാണ്. പി എസ് ജിക്ക് എംബപ്പെയെ വിൽക്കാൻ ആയില്ല എങ്കിൽ ട്രാൻസ്ഫർ ഫീ നഷ്ടമാകും എന്ന ആശങ്കയ്ക്ക് വലിയ പരിഹാരം ആകും ഇത്.
ഈ സീസണിൽ എംബപ്പെയെ വിറ്റില്ല എങ്കിൽ പി എസ് ജിക്ക് താരത്തെ അടുത്ത സീസണിൽ ഫ്രീ ഏജന്റായി നഷ്ടമാകും എന്ന് ഉറപ്പാണ്. അതാണ് എംബപ്പെ ഇത്തരം ഒരു അഡ്ജസ്റ്റ്മെന്റിന് തയ്യാറായത്. എംബപ്പെയും ക്ലബുമായുള്ള ബന്ധം സുഖമമാക്കുന്നതിനും ഈ നീക്കം സഹായിക്കും.
ഈ സീസൺ അവസാനത്തോടെ പിഎസ്ജിയിലെ അദ്ദേഹത്തിന്റെ കരാർ അവസാനിക്കും. നിലവിലെ കാമ്പെയ്‌നിൽ ശ്രദ്ധ കേന്ദ്രീകരിക്കാൻ ആണ് എംബാപ്പെയുൻ PSGയും ഇപ്പോൾ തീരുമാനിച്ചിരിക്കുന്നത്. ഈ ബോണസ് വേണ്ടെന്നും വെക്കുന്നതിലൂടെ അതിനാകും എന്ന് പ്രതീക്ഷിക്കുന്നു. എങ്കിലും ട്രാൻസ്ഫർ വിൻഡോയുടെ അവസാന ദിവസങ്ങളിൽ റയൽ മാഡ്രിഡ് ഓഫറുമായി വന്നാൽ പി എസ് ജി താരത്തെ വിൽക്കാൻ തയ്യാറാകും.
