പാരീസ് സെന്റ് ജെർമെയ്‌നിന്റെ കൈലിയൻ എംബപ്പെ ക്ലബിന്റെ എക്കാലത്തെയും മികച്ച ഗോൾ സ്‌കോറിംഗ് റെക്കോർഡിലേക്ക് എത്തി. 200 ഗോളുകളുമായി, നിലവിലെ റെക്കോർഡ് ഉടമ എഡിൻസൺ കവാനിയുടെ 200 ഗോളുകൾ എന്ന നേട്ടത്തിന് ഒപ്പം എത്തിയിരിക്കുകയാണ് എംബപ്പെ. ഇനി കവാനിയെ മറികടക്കാൻ അദ്ദേഹത്തിന് 1 ഗോ} കൂടി മതി. ക്ലബ്ബിനായി 156 ഗോളുകൾ നേടിയ സ്ലാറ്റൻ ഇബ്രാഹിമോവിച്ചിനെ ഒരു സീസൺ മുമ്പ് എംബപ്പെ മറികടന്നിരുന്നു.
ഇന്നലെ നടന്ന ഫ്രഞ്ച് ലീഗ് മത്സരത്തിൽ, എംബാപ്പെ 2 ഗോളുകൾ നേടി ടീമിന് ജയം നൽകിയിരുന്നു. കവാനി 301 മത്സരങ്ങളിൽ നിന്നാണ് 200 ഗോളുകൾ നേടിയത്.എംബപ്പെ വെറും 247 മത്സരങ്ങളിൽ നിന്ന് ഈ നേട്ടത്തിൽ എത്തി.
