മലപ്പുറം ജില്ല എച്ച് ഡിവിഷൻ സ്റ്റൂഡന്റ് എസ് സി തൂത ചാമ്പ്യന്മാർ

പെരിന്തൽമണ്ണ ഐ എസ് എസ് ഗ്രൗണ്ടിൽ നടന്ന എച്ച് ഡിവിഷൻ ലീഗ് ഫുട്ബാൾ ചാമ്പ്യൻഷിപ്പിൽ സ്‌റ്റുഡന്റ് എസ് സി, തൂത 16 പോയന്റ് നേടി ചാമ്പ്യന്മാരായി. 8 ടീമുകൾ പങ്കെടുത്ത ചാമ്പ്യൻഷിപ്പിൽ 15 പോയന്റ് നേടി ലൂക്ക എസ് സി കൊണ്ടോട്ടി രണ്ടാം സ്ഥാനം നേടി. ചാമ്പ്യന്മാർക്കുള്ള ട്രോഫി കെ എഫ് എ വൈസ് പ്രസിഡന്റ് ശ്രീ. എം മുഹമ്മദ് സലീം, ഡി എഫ് എ പ്രസിഡന്റ് ശ്രീ. ജലീൽ മയൂര എന്നിവർ നൽകി. രണ്ടാം സ്ഥാനക്കാർക്ക് മുൻ ഡെപ്പൂട്ടി കളക്ടർ ശ്രീ. മുസ്തഫ നൽകി. ചടങ്ങിന് ഡി എഫ് എ ട്രഷറർ ശ്രീ. നയീം സ്വാഗതം പറഞ്ഞു. ശ്രീ. മുഹമ്മദലി, ശ്രീ. മുനീർ എം , സുരേന്ദ്രൻ , അസീസ്, മണ്ണിൽ ഹസ്സൻ എന്നിവർ സംസാരിച്ചു.