ഇന്ന് മത്സര ശേഷം ഉണ്ടായത് ഖേദകരമായ സംഭവമാണ് എന്ന് കേരള ബ്ലാസ്റ്റേഴ്സ് ക്യാപ്റ്റൻ അഡ്രിയാൻ ലൂണ. താൻ നോഹയോട് സംസാരിക്കും എന്നും കാര്യങ്ങൾ ക്ലാരിഫൈ ചെയ്യും എന്നും ലൂണ മത്സര ശേഷം പറഞ്ഞു. തന്റെ ഭാഗത്ത് നിന്നും ഒരു പെർഫക്ട് അപ്രോച്ച് ആയിരുന്നില്ല അത് എന്നും ലൂണ പറഞ്ഞു.
എനിക്ക് പാസ് തരാത്തതിന് അല്ല താൻ ദേഷ്യപ്പെട്ടത്. ഫ്രീ ആയി ബോക്സിൽ നിൽക്കുന്ന മറ്റൊരു താരം ഉണ്ടായിരുന്നു. ആ പാസ് നൽകാത്തത് ആണ് തന്നെ വേദനിപ്പിച്ചത് എന്ന് ലൂണ പറഞ്ഞു. ഞാൻ അങ്ങനെ പ്രതികരിക്കരുതായിരുന്നു. ഞാൻ ക്യാപ്റ്റൻ ആണ്. ഞാൻ ഒരു നല്ല മാതൃക ആകേണ്ട ആളാണ്. ലൂണ പറഞ്ഞു.
മത്സരത്തിന്റെ അവസാനം ഒരു ഗോളവസരം നഷ്ടപ്പെടുത്തിയതിന് ലൂണയും നോഹയും കയ്യാങ്കളിയോട് അടുത്തിരുന്നു.
