ലൂണയും നോഹയും തമ്മിൽ കോർത്തു!! കേരള ബ്ലാസ്റ്റേഴ്സ് ജയത്തിലും വിവാദം

കേരള ബ്ലാസ്റ്റേഴ്സ് ഇന്ന് ചെന്നൈയിനെ ചെന്നൈയിൽ ചെന്ന് തകർത്തെറിഞ്ഞത് ആരാധകർക്ക് സന്തോഷം നൽകും എങ്കിലും മത്സരത്തിന്റെ അവസാനം ബ്ലാസ്റ്റേഴ്സ് ക്യാപ്റ്റൻ ലൂണയും ബ്ലാസ്റ്റേഴ്സിന്റെ തന്നെ അറ്റാക്കിംഗ് താരം നോഹയും തമ്മിൽ ഗ്രൗണ്ടിൽ ഏറ്റുമുട്ടിയത് വിജയത്തിന്റെ നിറം കെടുത്തി.

ഇന്ന് സബ്ബായി രണ്ടാം പകുതിയിൽ എത്തിയ നോഹ കളിയുടെ അവസാന നിമിഷം ഒരു അവസരം നഷ്ടപ്പെടുത്തിയിരുന്നു. പെനാൾറ്റി ബോക്സിൽ ഇഷാനും ലൂണയും പാസിംഗ് ഓപ്ഷൻകായി ഉണ്ടായിട്ടും നോഹ ഗോളിനായി ശ്രമിച്ച് അവസരം കളഞ്ഞു. ഇത് ലൂണയെ പ്രകോപിപ്പിച്ചു. പിന്നാലെ ഇരുവരും കയ്യേറ്റത്തോട് അടുത്തു. ഇഷാൻ പണ്ഡിത ഇടപെട്ടാണ് ഇരുവരെയും തണുപ്പിച്ചത്.

മത്സര ശേഷം ഇരുവരും കൈ നൽകാതെ ആണ് ഡ്രസിങ് റൂമിലേക്ക് പോയത്.