വരാനിരിക്കുന്ന ഐ-ലീഗ് സീസണ് മുന്നോടിയായി ഉഗാണ്ടൻ ഫോർവേഡ് ലുമാല അബ്ദു ഗോകുലം കേരള എഫ്‌സിയിൽ ചേരുന്നു. 26-കാരൻ, Mjällby AIF, Kalmar FF എന്നീ ക്ലബുകൾക്ക് ആയി മുമ്പ് കളിച്ചിട്ടുണ്ട്. അവസാനമായി ക്രൊയേഷ്യൻ ക്ലബായ സ്ലേവൻ ബെലുപോക്ക് ആയാണ് കളിച്ചത്.
ഉഗാണ്ട ദേശീയ ടീമിനെ പ്രതിനിധീകരിക്കുന്ന താരമാണ് അബ്ദു. 2019ൽ അവർക്ക് ആയി അരങ്ങേറ്റം നടത്തിയിരുന്നു. ഉഗാണ്ടയ്ക്ക് ആയി ഇതുവരെ 6 മത്സരങ്ങൾ കളിച്ചിട്ടുണ്ട്. അവസാന ഐ ലീഗ് സീസണിലെ നിരാശ മറക്കാൻ ശ്രമിക്കുന്ന ഗോകുലം കേരള ഇപ്പോൾ ടീം ശക്തമാക്കാനുള്ള ശ്രമത്തിലാണ്‌.
