ഇന്ന് നടന്ന പ്രീസീസൺ സൗഹൃദ മത്സരത്തിൽ ലിവർപൂൾ എസി മിലാനോട് 4-2ന് പരാജയപ്പെട്ടു. വരാനിരിക്കുന്ന സീസണിനായുള്ള ഒരുക്കങ്ങൾ തുടരുന്നതിന്റെ ഭാഗമായി ഇരു ടീമുകളും തങ്ങളുടെ പ്രധാന കളിക്കാരെയും പുതിയ സൈനിംഗുകളെയും കളത്തിലിറക്കി.
മത്സരത്തിന്റെ 10-ാം മിനിറ്റിൽ റാഫേൽ ലിയോയിലൂടെ എസി മിലാൻ ലീഡ് നേടി, ഇത് മത്സരത്തിന് ഒരു ഉണർവ് നൽകി. ആദ്യ പകുതിയുടെ മധ്യത്തിൽ ലിവർപൂൾ തിരിച്ചടിച്ചു, 26-ാം മിനിറ്റിൽ ഡൊമിനിക് സോബോസ്ലായ് ഗോൾ കണ്ടെത്തി. എന്നിരുന്നാലും, രണ്ടാം പകുതിയിൽ മിലാൻ കളിയിൽ പിടിമുറുക്കി. 52-ാം മിനിറ്റിൽ റൂബൻ ലോഫ്റ്റസ്-ചീക്കും, 59-ാം മിനിറ്റിലും 90+4-ാം മിനിറ്റിലും രണ്ട് ഗോളുകൾ നേടി നോഹ ഒകാഫോറും മിലാന് വേണ്ടി വല കുലുക്കി. അധിക സമയത്ത് 90+3-ാം മിനിറ്റിൽ കോഡി ഗാക്പോ ലിവർപൂളിനായി ഒരു ആശ്വാസ ഗോൾ നേടി.
പുതിയ സൈനിംഗുകളായ ഫ്ലോറിയൻ വിർട്സുൻ ജെറമി ഫ്രിംപോങ്ങും ഇന്ന് കളത്തിൽ ഇറങ്ങി. ഇനി ബുധനാഴ്ച യോക്കോഹാമ എഫ്‌സിയെ ആകും ലിവർപൂൾ നേരിടുക.
