ഫ്രഞ്ച് ലീഗ് 1 വമ്പന്മാർ ആയ ഒളിമ്പിക് ലിയോൺ കടുത്ത പ്രതിസന്ധിയിൽ. ക്ലബിനെ നിലവിൽ താൽക്കാലികമായി രണ്ടാം ഡിവിഷൻ ആയ ഫ്രഞ്ച് ലീഗ് 2 ലേക്ക് തരം താഴ്ത്തിയത് ആയി ഫ്രഞ്ച് ഫുട്‌ബോൾ അസോസിയേഷൻ അറിയിച്ചു. ഇത് കൂടാതെ ക്ലബിന് ട്രാൻസ്ഫർ വിലക്കും പ്രഖ്യാപിച്ചിട്ടുണ്ട്.
2024-25 സീസൺ കഴിഞ്ഞാൽ നിലവിലുള്ള കടം വീട്ടാൻ ആയില്ലെങ്കിൽ ലിയോൺ തരം താഴ്ത്തൽ നേരിടും. നിലവിൽ ലീഗിൽ അഞ്ചാം സ്ഥാനത്ത് ഉള്ള ലിയോണിന്റെ കടം 500 മില്യൺ യൂറോയിൽ അധികമാണ് എന്നാണ് റിപ്പോർട്ട്. നേരത്തെ ബോർഡോ നാലാം ഡിവിഷനിലേക്ക് തരം താഴ്ത്തൽ നേരിട്ടത് സമാനമായ രീതിയിൽ ആയിരുന്നു. നിലവിൽ കടം വീട്ടാൻ ആയില്ലെങ്കിൽ ഫ്രഞ്ച് ഫുട്‌ബോൾ വമ്പന്മാരുടെ ഭാവി തന്നെ പ്രതിസന്ധിയിൽ ആവും എന്നുറപ്പാണ്.
