തുടർച്ചയായ മൂന്നാം മത്സരത്തിലും ഗോൾ കണ്ടത്തി ലോണിൽ ഫ്രഞ്ച് ക്ലബ് റെയ്മിസിൽ കളിക്കുന്ന ആഴ്സണൽ യുവതാരം ഫോളറിൻ ബലോഗൺ.
തുടർച്ചയായ മൂന്നാം മത്സരത്തിലും ഗോൾ കണ്ടത്തി ലോണിൽ ഫ്രഞ്ച് ക്ലബ് റെയ്മിസിൽ കളിക്കുന്ന ആഴ്സണൽ യുവതാരം ഫോളറിൻ ബലോഗൺ. ലീഗ് വണ്ണിൽ സ്ട്രാസ്ബർഗിന് എതിരെ റെയ്മിസിന് സമനില ഗോൾ നേടി നൽകിയത് ന്യൂയോർക്കിൽ ജനിച്ച യുവ സ്ട്രൈക്കറുടെ ഗോൾ ആയിരുന്നു. 1975 നു ശേഷം ഇത് ആദ്യമായാണ് ഒരു റെയ്മ്സ് താരം തുടർച്ചയായ മൂന്നു ലീഗ് വൺ മത്സരങ്ങളിൽ ഗോൾ നേടുന്നത്.
അരങ്ങേറ്റത്തിൽ മാഴ്സെക്ക് എതിരെ പകരക്കാരനായി ഗോൾ നേടിയ താരം കഴിഞ്ഞ മത്സരത്തിൽ ഗോൾ നേടുകയും ഒരു പെനാൽട്ടി നേടി നൽകുകയും ചെയ്തിരുന്നു. ഇന്നത്തെ സമനിലയോടെ റെയ്മ്സ് ലീഗിലെ ആദ്യ പോയിന്റും സ്വന്തമാക്കി. ആഴ്സണൽ ഭാവിയിൽ വലിയ പ്രതീക്ഷ വച്ചു പുലർത്തുന്ന താരം ആണ് ബലോഗൺ. ഈ സീസണിൽ മികച്ച പ്രകടനം തുടർന്ന് ലോകകപ്പിനുള്ള അമേരിക്കൻ ടീമിൽ ഇടം നേടാൻ ആവും യുവതാരത്തിന്റെ ശ്രമം.
Story Highlight : Arsenal youngster Folarin Balogun break 47 year old Reims record in League 1.
