ഫുട്ബോൾ ഇതിഹാസം ലയണൽ മെസ്സിയുടെ പാത പിന്തുടർന്ന്, ബാഴ്സലോണ, വരാനിരിക്കുന്ന സീസണിലെ തങ്ങളുടെ പുതിയ നമ്പർ 19 ആയി ലമിൻ യമലിനെ പ്രഖ്യാപിച്ചു. ഇന്ന് ഒരു വീഡിയോയിലൂടെയാണ് യമാലിന്റെ പുതിയ നമ്പർ ബാഴ്സലോണ പുറത്ത് വിട്ടത്. ലയണൽ മെസ്സി ബാഴ്സലോണയിൽ തുടക്ക കാലത്ത് അണിഞ്ഞ ജേഴ്സി ആയിരുന്നു നമ്പർ 19.
വെറും 17 വയസ്സുള്ളപ്പോൾ തന്നെ സ്പെയിനിൻ്റെയും ബാഴ്സലോണയുടെയും പ്രധാനതാരമായി യമാൽ ആഘോഷിക്കപ്പെടുകയാണ്. സ്പെയിന്റെ വിജയകരമായ യൂറോ 2024 കാമ്പെയ്നിൽ ഒരു പ്രധാന പങ്ക് വഹിക്കുകയും ടൂർണമെൻ്റിലെ മികച്ച യുവ താരമായി അംഗീകാരം നേടുകയും ചെയ്തുകൊണ്ട് യമൽ ഇതിനകം തന്നെ തരംഗങ്ങൾ സൃഷ്ടിച്ചു.
🔵🔴1️⃣9️⃣ Barcelona confirm Lamine Yamal to wear shirt number 19 this season.pic.twitter.com/X3yUlntPk6
— Fabrizio Romano (@FabrizioRomano) July 17, 2024
19-ാം നമ്പർ ജേഴ്സി മാത്രമല്ല മെസ്സിയുടെ സമാനമായ നീക്കങ്ങളും പാസുകളും ഫിനിഷും യമാലിന്റെ ഇടം കാലിൽ നിന്നും അവസാന ഒരു വർഷമായി ഫുട്ബോൾ ലോകം കാണുകയാണ്. 19ൽ നിന്ന് മെസ്സിയുടെ 10ആം നമ്പർ ജേഴ്സിയിലേക്കും യമാൽ ഭാവിയിൽ വളരും എന്ന് തന്നെയാണ് ബാഴ്സലോണ ആരാധകരുടെ പ്രതീക്ഷ.
