മുൻ ലിവർപൂൾ – റയൽ മാഡ്രിഡ് താരം സാബി അലോൺസോ റയൽ സോസിഡാഡ് ബി ടീമിന്റെ പരിശീലകനായി തുടരും. കഴിഞ്ഞ ആഴ്ച താരം ബുണ്ടസ്ലീഗ ടീമായ ബൊറൂസിയ മൊഞ്ചൻഗ്ലാഡ്ബാഗിന്റെ പരിശീലകനാവുമെന്ന് റിപ്പോർട്ടുകൾ ഉണ്ടായിരുന്നു. എന്നാൽ 2022 വരെ റയൽ സോസിഡാഡ് ബി ടീമിന്റെ പരിശീലകനായി തുടരാനുള്ള കരാറിൽ അലോൺസോ ഒപ്പ് വെക്കുകയായിരുന്നു.
നേരത്തെ അടുത്ത സീസണിൽ ബൊറൂസിയ ഡോർട്മുണ്ടിന്റെ പരിശീലകനാവാൻ സ്ഥാനം ഒഴിയുന്ന മാർക്കോ റോസിന്റെ പകരക്കാരനായി അലോൺസോ ബൊറൂസിയ മൊഞ്ചൻഗ്ലാഡ്ബാഗിൽ എത്തുമെന്നാണ് കരുതപ്പെട്ടിരുന്നത്. റയൽ മാഡ്രിഡ് അണ്ടർ 14 ടീമിന്റെ പരിശീലകനായതിന് ശേഷമാണ് 2019ൽ റയൽ സോസിഡാഡിന്റെ പരിശീലകനായി സാബി അലോൺസോ എത്തിയത്.
