ലാലിഗയിലെ വംശീയാധിക്ഷേപങ്ങൾ കാരണം വിനീഷ്യസ് റയൽ മാഡ്രിഡ് വിടാൻ പോകുന്നില്ല എന്ന് റയൽ മാഡ്രിഡ് മാനേജർ കാർലോ ആഞ്ചലോട്ടി. വിനീഷ്യസ് ജൂനിയറിന് ക്ലബ് വിടാൻ ഉദ്ദേശ്യമില്ലെന്ന് അദ്ദേഹം സ്ഥിരീകരിച്ചു. യുവ ബ്രസീലിയൻ വിംഗർ റയൽ മാഡ്രിഡിനെ സ്നേഹിക്കുന്നുവെന്നും ക്ലബ്ബിൽ വിജയം നേടുന്നതിൽ പൂർണ്ണമായും ശ്രദ്ധ കേന്ദ്രീകരിച്ച് നിൽക്കുകയാണെന്നും അൻസലോട്ടി വ്യക്തമാക്കി.
“വിനീഷ്യസ് ജൂനിയർ വിടുന്നതിനെക്കുറിച്ച് ചിന്തിക്കുന്നില്ല. അവൻ റയൽ മാഡ്രിഡിനെ സ്നേഹിക്കുന്നു. അവൻ ഇവിടെ വിജയിക്കാൻ ആഗ്രഹിക്കുന്നു; വിനിക്ക് അറിയാം ഈ ക്ലബ്ബാണ് തന്റെ ഭാവി. ഇവിടെ തുടരുക എന്നതാണ് അവന്റെ ആശയം. അവൻ റയലിൽ ഏറെ കാലം കളിക്കാൻ ആഗ്രഹിക്കുന്നു.” ആഞ്ചലോട്ടി പറഞ്ഞു.
വിനീഷ്യസ് ജൂനിയർ അടുത്തിടെയാണ് റയൽ മാഡ്രിഡിൽ ദീർഘകാല കരാർ അംഗീകരിച്ചത്. റയൽ മാഡ്രിഡിൽ തുടർന്ന് ലാലിഗയിലെ വംശീയതക്ക് എതിരെ പൊരുതാൻ ആണ് വിനീഷ്യസിന്റെ ഇപ്പോഴത്തെ തീരുമാനം. ബ്രസീലിയൻ ക്ലബ് ഫ്ലെമെംഗോയിൽ നിന്ന് 2018ൽ ആയിരുന്നു വിനീഷ്യസ് റയൽ മാഡ്രിഡിൽ ചേർന്നത്
