സ്പാനിഷ് ലാ ലീഗയിൽ റയൽ മാഡ്രിഡിന് വീണ്ടും തിരിച്ചടിയായി പരിക്ക്. നേരത്തെ ഗോൾ കീപ്പർ കോർട്ടോ, പ്രതിരോധ താരം മിലിറ്റാവോ എന്നിവരെ പരിക്ക് കാരണം ദീർഘകാലത്തേക്ക് അവർക്ക് നഷ്ടമായിരുന്നു. ഇത്തവണ സെൽറ്റ വിഗക്ക് എതിരായ മത്സരത്തിൽ ബ്രസീൽ മുന്നേറ്റനിര താരം വിനീഷ്യസ് ജൂനിയറിനു ആണ് പരിക്കേറ്റത്.
സെൽറ്റ പ്രതിരോധത്തെ പിന്തുടർന്ന് പന്ത് നേടാനുള്ള വിനീഷ്യസിന്റെ ഓട്ടത്തിനു ഇടയിൽ താരത്തിന് കാലിനു പരിക്കേൽക്കുക ആയിരുന്നു. ഹാംസ്ട്രിങിൽ ആണ് താരത്തിന് വേദന അനുഭവപ്പെട്ടത്. തുടർന്ന് മെഡിക്കൽ സഹായം വേണ്ടി വന്ന താരത്തെ ആഞ്ചലോട്ടി പിൻവലിക്കുക ആയിരുന്നു. താരത്തിന്റെ പരിക്ക് ഗുരുത്തരമാണോ എന്നത് കൂടുതൽ പരിശോധനകൾക്ക് ശേഷം മാത്രമാണ് അറിയുക.
